أمنيات الولادة

خطة الولادة أو امنيات الولادة

هي ملف مهم جدا في تفاصيل امنيات الولادة للام .. بترتب كل الافكار .. هي عايزه ايه ؟ عايزه مسكن و لا لا ؟ عايزه تلبس ايه؟ عايزه ترضع و لا لا ؟ عايزه تحمي ابنها و لا لا؟ اسئلة كتير هي بتبدأ من 6 صفحات مثلا .. و ممكن تكون اكتر

ايه لازمتها؟

النظام و ترتيب الافكار

تعريف الدكتور و الفريق الطبي كله لتفضيلات الام و الحاجات اللي بتريحها و عايزاها

لما الام متعوزش تتكلم الورقة هتكون اثبات واضح هي عايزه ايه

بتخلي الام تعرف اختيارتها

بتعتبر بمثابة تمهيد بسيط لكورس تجهيز الولادة

بتخلي الام تعرف ايه الولادة اللي لما تحصل هتكون سعيدة و مرتاحة

بتخلي الدكتور ميعرفش ياخد قرارات فجائية و يفتكر انه المريضة فاهمه و عارفه و لازم اقول بيحصل ايه ليها و لزوجها قبل اي حاجة

بتحفظ مكان لاحتمالات متعددة احيانا عاشان افكار الولادة تكون مرنة اكتر

بتدي مساحة للكلام مع الدكتور في امكانيات حدوثه و ممكن يحصل ايه و في المستشفي اللي تقبل اللي يريحني

ليه بنفضل نقول امنيات مش خطة؟

لانها ممكن متحصلش تماما .. يعني مثلا ام نفسها جدا جدا متاخدوش ايبديوال و تضطر تاخد .. او ام عايزه قيصري بس ولدت طبيعي مثلا .. يعني هي مفضلات او اقتراحات او امنيات بس هي مش خطة عاشان الفكرة دي بتجيب اكتئاب و بتوحي انها لو محصلتش يبقى احنا فشلنا

ايه اهم هدف لاي ولادة؟

ام سعيدة مرتاحة قوية صحتها كويسه و طفل سعيد صحته كويسه.. بس كدا .. بنحاول نذاكر و نخطط بس في الاخر ربنا بيعمل احسن منه لينا .. و دي اهم فكرة عاشان عادي لو محصلتش و منزعلش خالص

..

بس كدا افكاري عن خطة الولادة خلصت .. لو عايزاني اساعدك و اكتب معاكي خطة ولادتك ابعتي في اتصل بنا او في حساب الفايسبوك الخاص بي الموجود فوق على شمال الصفحة و نرتب معاد لجلسة لكتابة امنيات الولادة

و اي اسئلة انا هنا

يومكم سعيد

| Homemaker | Woman | Wife | Mum | Blogger | Supporting new moms, Passing knowledge & sharing positive vibes.
Leave a Reply

Your email address will not be published. Required fields are marked *