الولادة الطبيعية بعد القيصرية

شروط  الولادة الطبيعية بعد القيصرية

ايه هي الشروط اللى لو واحدة ولدت اول مرة قيصري و عايزه تولد طبيعي ممكن تخليها تجرب تولد قيصري؟

اول شرط مسافة الوقت .. عالميا هي من 18 ل 24 شهر .. و الجلد لم و الجراحة لمت و ممكن الدكتور يبص و يتاكد .. و بنصبر للشهر التاسع في الحمل التاني .. و انه الجلد يفضل متمدد و كويس للشهر التاسع بدون اي مشاكل في الجرح القديم

تاني حاجة وضع الجنين يكون كويس و المشيمة مش متقدمة مثلا و راس الجنين لتحت .. و مفيش سبب للقيصري الطبي الاكيد

ليه مينفعش طلق صناعي مع الولادة الطبيعية بعد القيصرية؟

ربنا خلق الطلق له خصائص معينة .. و قوة بتزيد واحدة واحدة و بشويش .. و فيه راحة و بنريح .. و عضلة الرحم بتتعود على الطلق اللي بدأ ضعيف و بيقوى .. لكن الطلق الصناعي بقى حاد و صعب و كله ضرب ضرب مفيش اي شتيمة .. عاشان كدا استخدامه مع الولادة الطبيعية بعد القيصرية بتكون العضلة اضعف و صعب استخدام طلق صناعي كامل معاها .. لان الرحم فيه جرح و مهما مر وقت بيكون صعب جدا عليه وجود طلق صناعي قوي و كامل بس احيانا ممكن يتاخد بنسب بسيطة جدا

طيب المفروض نعمل ايه؟

نجهز نفسنا للولادة الطبيعيه عن طريق ان الحمل يكون صحي و تمارين توسعة للرحم و تمارين كيجل و تمارين تمدد و كل حاجة .. و اكل صحي و نفسيا نتقبل الولادة الطبيعية لتسهيل الامر على نفسنا و لو صعب كل الناس بتكفل للي والدة قيصري تكرار القيصري فمفيش اي مشكلة .. و مفيش اي عبء .. الاريح ليكي اعمليه على طول

راحة الام و نفسيتها اهم حاجة

يومكم سعيد

🙂

| Homemaker | Woman | Wife | Mum | Blogger | Supporting new moms, Passing knowledge & sharing positive vibes.
Leave a Reply

Your email address will not be published. Required fields are marked *