التعافي بعد الولادة

التعافي بعد الولادة

من أهم موضوعات الحمل  والولادة  حاجه إسمها التعافي بعد الولادة

Postpartum  Healing   

هعمل إيه بعد الولادة وما عملش إيه وإيه اللي اقدر عليه .. جزء من أي رحلة في حياتنا في توقعات معينة بتكون في بالنا و دي اهم حاجة لتقليل نسب اكتئاب ما بعد الولادة 

توقع الحمل والولادة الصح ان انا هاخد فترة أجازة أركز فيها علي نفسي وعلى البيبي اللي أنا عايزاه انا عاوزة الفترة أد ايه 3 شهور 6 شهور سنة .. فده توقع كويس وفي الوقت ده هتصرف ازاي واعمل ايه لأن التخطيط بيسهل الحياة  اهم حاجة يكون عندنا حاجة اسمها توقعات واقعية لأن الناس دائما يقولولنا  زمان كانت الست تخلف وتقوم تطبخ وتنظف وتعمل … الكلام ده مش صح وإحنا مش مطلوب مننا كل ده

جزء مهم هو جزئية الهوايات .. مهم اوي ان نعرف احنا بنحب نعمل ايه يريحنا ؟ او بنهوي ايه ؟ هي اسمها هوايات عاشان بنهواها .. يعني الرجوع للهوايات بعد الولادة مهم جدا للروح و للجسد .. موسيقى .. افلام .. كتب .. مذاكرة .. قرآن ..  كروشيه .. تصوير .. تفصيل .. كتابه .. تصميم .. ايا كان .. نرجعله و ندور عليه .. هيرجعلنا جزء من نفسنا .. حاجة كمان ممكن تبان تافهه بس هي مهمة اوي اوي .. ارجوكم خصصوا وقت لشكلكم و لبسكم .. الست نفسيتها بتتحول لو شكلها حلو .. و ممكن بطرق سريعة اوي و عملية الموضوع ده يحصل .. لما بيحصل الحياه و النفسية بيتغيروا فعلا

هتاخد قد ايه عشان نتعافى ؟

أخذت الأم  9 شهور عشان جسمها يقدر يكون جنين و مشيمة وحبل سري فحيا خود 9 شهور زيهم عشان يتعافى ويتحسن ويخف تماما ده من الناحية الجسدية .. أما من الناحية النفسية إمتا حقدر اروح وأجي وأشتغل .. أحنا قلنا أن عندنا توقعات فنقول لأنفسنا أن من الطبيعي الست تقعد 3 شهور لحد ما الهرمونات بتاعتنا تهدى .. وتحل الرضاعة مكانها وكل حاجة تبقى مستقرة ديه أصعب فترة وممكن نخليها فترة لطيفة  وخفيفة لكن هيا الفترة ديه كده .. عشان يكون عندنا التعافي خلال ال9 شهور أسرع لازم حد يعمل دعم نفسي كويس .. حناكل كويس..  نشرب كويس .. ناخد فيتامينات كويس .. حنعمل تمارين بعد 6 ل 8  اسابيع و دي كلها حاجات هتفرق معانا جداا 

كل حد بيختار فترته …في ست بتقول أنا مش قادرة عاوزة أشوف شغلي وحياتي ممكن تسيب ابنها عند جدته وتنزل .. في واحدة تانية تقول انا راحتي أن أبقى مع ابني في البيت أراعيه شخصيا واخد بالي منه و الخطة والتنظيم للتعامل مع البيبي اهم حاجة فعلا .. أحنا بعد الولادة بتكون أقصى طموحاتنا ناخد بالنا من الأولاد والبيت والزوج .. خليني أقول إن ده مش صحيح بحكم تجربتي هنا في الغرب إن قدرات ومهارات تفكير الأم بتزيد بعد الولادة مش بتقل ودية الثقافة إلي عاوزاها تنتشر في مصر 

في واحدة تختار تنزل الشغل وترتيب حياتها على كده عشان هي راسمة لمستقبلها أن هي عايزة لما ولادها يكبرو يشوفها أم عظيمة وعندها إنجازاتها  في واحدة تقول أنا عايزة استنى سنتين على بال ما إبني يدخل حضانة واعمل اللي انا عايزاه  كل واحدة ليها إختيارات وكلها صح مافيش حد غلط  هي دي أحلى حاجة في تعدد الخيارات والأفكار

حد يقولك إبنك لازق فيكي لازم تودي حضانة وهوا لسه 3 شهور سيبك منهم .. واحدة تانية تشوف إن لا أنا ابني محتاج اني اوديه حضانة سيبك منهم اعملي اللي يريحك …لما تعملي اللي يريحك هتبقي أم أسعد وديه اهم حاجة .. إزاي أبقى ام سعيدة 

Happy Mother Happy Life

إذا نرجع تاني عشان نحصل على التعافي الجسدي والنفسي لازم ناكل كويس .. نحصل على الدعم النفسي نعمل رياضة .. نهتم ان دائرة معارفنا يكون ليهم اهتمامات مشتركة زي أم بتخرج مع أصحاب معندهمش أولاد لازم دائرة معارفي تكون شبيهة بظروف أم عندها اولاد .. اللي معندهومش ولاد مش وحشين و مش بقول نقاطعهم بس يكون في دول و دول  .. من نفس الفئة العمرية هتفرق كتير عن حد مش متجوز أو ما عندهوش أولاد.. هرجع اقول تاني مش معنى أني خلفت خلاص انا كده حياتي أنتهت مش صحيح يا جماعة في ناس كتير أوي يبدأوا حياتهم في الثلاثين والأربعين والخمسين … التعافي الجسدي جسمي حيكون عامل إزاي بعد الولادة أنا خلفت وأنا راضية أن يكون عندي بيبي كل حاجه زي ما بيقولوا ليها تمنها  …أخذ الفيتامين بتاعتي أتكلم مع حد يديني دعم الميد وايف أو الدولا بتاعتي وناخد بالنا من صحتنا في الحمل أمهاتنا كانوا بيتجاهلوا لكل المشاكل الصحية اللي كانت بتواجههم ويجو على الخمسين تنفجر كل الحاجات اللي كانوا بيتجاهلوها يعني الست اللي جالها سكر حمل أو ضغط تاخد بالها كويس ان ممكن تكون معرضة إنو يجيلها بعدين الناس اللي عندهم مرارة ياخدو بالهم من وظائف الكبد بعد الحمل .. او الضغط نفس الموضوع ..  أنا مش بقول كده عشان أخوفكم بس بنقول كده عشان ناخد بالنا زي حد عنده برد فبتقوله يومين تلاته كده وهتبقى كويسة زي ما ناخد بالنا من عيالنا بعد الولادة ناخد بالنا من أنفسنا .. جسمنا تم استخدامه في صناعة بني آدم فلازم ينقص منه حاجات لازم نعوضها في موضوع رياضة اكل فيتامينات …التعافي بعد الولادة بياخد  وقت وجهد وبحث وأتمنى لو حد عنده أسئلة أو أي إستفسارات يسألني

ليلتكم سعيدة

(F)

| Homemaker | Woman | Wife | Mum | Blogger | Supporting new moms, Passing knowledge & sharing positive vibes.
Leave a Reply

Your email address will not be published. Required fields are marked *