20 نصيحة لتعافي افضل بعد الولادة من ممرضات و ميدوايفز

20 نصيحة لتعافي افضل بعد الولادة من ممرضات و ميدوايفز

كلي  وجبة خفيفة صحية كل مرة بترضعي فيها ابنك

الرضاعة هي مهارة مكتسبة عايزه تجربة و صبر كتير عشان نحسنها

متخافيش و متتكسفيش تطلبي من الناس يمشوا و يسيبوا الاوضة

اطلبي من حد يقعد مع البيبي ساعة في اليوم .. ده هيخليكي عندك وقت لنفسك و لراحتك النفسية

خلي عندك ايمان بامومتك و احساسك و فطرتك .. اسمعي النصايح و اختاري اللي يريحك

لو ولدتي قيصري خدي معاكي مخدة تحطيها على الغرز لدعمها عشان متتعبيش من ركوب العربية

اختاري المستشفى على اساس الرعاية والتمريض مش شكلها

اشربي مياه كتير اوي اوي عشان تساعد على التعافي أسرع

اعرفي جسمك .. شوفي الغرز عشان لو حصل اي حاجة تعرفي الفرق و تعرفي توصفي حصل ايه .. ده بيساعد على كشف الالتهابات مبكرا

قللي الزيارات تماما .. الزيارات الكتير مش حاجة مريحة للام في الاول

نامي لما البيبي ينام

في اول اسبوع مهم يكون موجود فرد من الأسرة يساعد مع الطفل للتأكد ان نوم الام كفاية

اشربي مياه من 300 -500 مللي كل مرة بترضعي

بعد أسبوعين من الولادة حاولي تخرجي عشان تغيري مزاجك

كل ما تعرفي تقعدي في مكان مشمس اقعدي

اقبلي مساعدة الآخرين دائما و اطلبيها كمان

لما توصلي البيت اعملي أوقات الزيارة و حاولي تحددي الزيارات فيها

اول ما تستقري لاقي مجموعة امهات قريبين منك تخرجي معاهم

ادي لنفسك راحة .. اقعدي في البانيو و ابكي لو محتاجة تعملي كدا .. الأمومة صعبة ومرهقة .. وقت ما تحسي انك محتاجه تبكي ابكي

انتي قوية اكتر ما انتي متخيلة .. متهتميش بآراء الناس .. سجلي كل لحظة و تفرحي بيها و استمتعي .. هم بيكبروا بسرعة اوي اوي .. ادي لنفسك نعمة و مساحة انك تكبري و تنضجي جوا الامومة

 

ترجمة مريم إبراهيم
المقالة الاصلية

https://www.huffingtonpost.com/awhonn/postpartum-recovery-tips-_b_8147902.htm

 

 

| Homemaker | Woman | Wife | Mum | Blogger | Supporting new moms, Passing knowledge & sharing positive vibes.
Leave a Reply

Your email address will not be published. Required fields are marked *