جراحة شق العجان

جراحة شق العجان

ليه الناس زمان ما كانش في خياطة من تحت ودلوقتي فيه كتير؟

الموضوع  حسب كل بلد، في دكاترة بتخير الناس وفي لا.ليه نفتح وليه ما نفتحش، أنا دوري أدي Information وأن الستات يعرفوا معلومات تساعدهم على اتخاذ القرار.

المدرسة اللي مع الفتح بتقول أن الطفل وهو خارج بيقطع ولو قطع القطع هيبقي غير منتظم فنفتح براحتنا الولادة هتبقي أسهل وبكده نبقى متحكمين لأن الطب بيحب التحكم.

المدرسة التانية بتقول ما حدش يقطع لأن ممكن ما يحصلش قطع وممكن الجنين يقطع غرزه او غرزتين سطحيتين يعني مش هيقطع كل طبقات الجلد و العضلات و الاعصاب، أما الدكتور لما بيقطع فالقطع بيكون أعمق وفي طبقات الجلد والعضلات والأعصاب وأحيانا بيكون القطع بالطول وبيكون أصعب وأحيانا بالجنب على جنب الرجل علشان ما يدخلش على باقي المنطقة وده بيكون على حسب الدكتور ولو الدكتور متفتح فهيكون على حسب ما أنتِ تطلبي.

إزاي بقى نقلل من نسبة القطع؟

– أولًا تمارين السكواتس بتفتح الحوض والرحم والجلد حوالين الرحم بحيث الجلد يتمدد.

– الولادة في المياه.

– اليوغا بتاعت الحمل، عشان بتبقي كلها فتح للحوض.

– وفي ناس بتدهن زيت زيتون في المنطقة دي.

– وبرضه ساعة الولادة في دولا او بنطلب من ممرضه بتدهن زيت زيتون او تحط قربة مياه سخنة وفي ميد وايف بيسندوا المنطقة ديه عشان يقللوا القطع.

– وضع الولادة كل ما كان افقي او على الجنب كل ما القطع كان اقل.

– الدفع بالتنفس العميق بدل من الدفع المعتاد

الناس اللي بتقول ما تقطعش مؤمنين أن الطبيعة بتظبط كل حاجه في الأخر الموضوع ليه سلبيات وإيجابيات ولو هي واثقة في دكتورها فتمشي وراه لو هو شاطر ومش هيقرب على عضلات الشرج، ولو مش واثقة تدور على دكتور مش بيعملها وفي الأخر هي اختيارات.

في حد ممكن يقولك أنا مش عاوزة أتعب التعب ده وفي الأخر أتقطع … أنا مهمتي إني أدي معلومات زي ما قلت مش بقول رأيي الشخصي وفي ناس اللي بتدعم عدم القطع بيعتمدوا على إن رأس البيبي في فجوات كده وده بيساعد على عدم القطع لأن بعد خروجها من الرحم بتبقى أجمد.

طبعا عامة الاتجاه الاوروبي الحالي هو ان ميكونش فيه اي قطع خالص الا لو تعسرت الولادة , غير كدا بيسيبوا الجنين هو ينزل لان بالنصائح اللي فوق القطع بيكون مش موجود او بسيط جدا.

المصادر:

https://www.mayoclinic.org/healthy-lifestyle/pregnancy-week-by-week/expert-blog/tearing-during-childbirth/bgp-20055765

https://www.mamanatural.com/episiotomy/

 

| Homemaker | Woman | Wife | Mum | Blogger | Supporting new moms, Passing knowledge & sharing positive vibes.
Leave a Reply

Your email address will not be published. Required fields are marked *