ليه منديش اعشاب اول 4 شهور ؟

 

ليه الاعشاب مش كويسه ؟؟ نعمل ايه عاشان اول شهر رضاعة يكون اسهل ؟

تخيلوا معايا ان طفل المفروض لسه مولود .. خدناه علمناه يمشي .. هل ينفع ؟؟ ليه بنصبر على نمو الطفل عاشان يمشي و مش بنصبر انه يهضم ؟ الهضم برضه وظيفه غير مكتملة بتاخد من 3 ل 6 شهور عاشان تكتمل و تتحسن .. الاطفال بيتولدوا من غير البكيتريا اللي بتهضم الاكل و بتمتصه .. بيتولده بعدد قليل اوي اوي .. و الرضاعة الطبيعية خصوصا لو الام بتاكل زبادي بلدي كتير .. بتساعد انها تتكون اسرع .. تدخيل الاعشاب بقى بيساعد على الهضم .. فالمعدة تفضل ضعيفة و بتهضم بصعوبة اكتر .. عمليه هندخل ايه امتى للطفل هي عمليه طبيعية .. من قديم الازل كانوا بيدوا الاطفال لبن بس لحد ما يبدأوا حركة وقتها ياخدوا اكل زي باقي الناس .. انا بحب لما احكم على اي حاجة افكر و اسال الناس زمان كانت بتعمل ايه .. اي جانب ان الاعشاب بتملي البطن و بتاخد مكان رضعه و هيبقى قدامها لبن اقل فزيادة الوزن هتكون ضعيفه ..

الاعتماد على اللبن لوحده حل كويس جدا جدا .. و بيحتاج صبر و حكمة و استشارية رضاعة محترمه تدعم الفترة الانتقاليه الصعبة دي .. لانها صعبة فعلا الام بتكون خارجة من ولادة و محتاجة كل المساعدة اللي في الدنيا .. و ده مش بيحصل فبالونه الامومة بتفرقع و الموضوع بيكون متعب اكتر ..

منتوقعش من نفسنا اي حاجة اول شهر الا اننا نرضع و ننام و بس .. الاكل نلاقيله حل .. التنضيف مش مهم .. اهم حاجة قعدة السرير و البيبي في حضنك و بترضعي .. ده احسن ضمان لفترة امومة احسن في الاول .. و احسن حاجة تقلل من اكتئاب ما بعد الولادة و تنظم نوم الاطفال .. هرمون الاوكيتوسن هيتفرز كتير فالست ترضى اكتر و تفرح بدور الامومة .. بدون اي مؤثرات خارجية عليها .. الكلام ده مش خيال علمي وضمان حدوثه بيفرق اوي بين ام مرتاحه بعد اول شهر نايمه قايمه في حضن ابنها او بنتها .. و بين ام متوترة و اعصابها تعبانه و بتحاول تشيل الدنيا فوق دماغها .. لو اول شهر عدى برضاعة كويسه و كله تمام اللي بعده اسهل .. مع الاطفال اللي جاي اسهل دايما ..

العياط كتير في الفترة دي طبيعي و مطلوب و الخنقه و مش بينزل في اللبن .. اللبن هو اللي بيسببهم اصلا .. و لو محتاجين راحة نشفط شويه لبن و ندي .. اول شهر الرضعه ممكن تكون 40 مللي مثلا مش كتير خالص ..

فكروا معايا و قولوا ايه اللي يخلي الفترة دي اريح اكتر ؟ ايه للي يخليها تجربة مريحة اكتر ؟؟

| Homemaker | Woman | Wife | Mum | Blogger | Supporting new moms, Passing knowledge & sharing positive vibes.
Leave a Reply

Your email address will not be published. Required fields are marked *